Гонконгтағы өрт салдарынан 44 адам қаза тапты
Гонконгтағы тұрғын үй кешенінде болған өрттен кемінде 44 адам қаза тапты, – деп жазады Deutsche Welle басылымы.
Астана, NEGE. Өрт қызметінің ақпаратынша, Wang Fuk Court тұрғын үй кешеніндегі сегіз корпустың кемінде бесеуі отқа оранған. Әкімшілік жүздеген адамның хабар-ошарсыз жоғалғанын хабарлады.
Өрт салдарынан кемінде 44 адам қаза тапты, тағы 270-тен астам адам хабар-ошарсыз жоғалған, –деп мәлімдеді Қытайдың арнайы әкімшілік ауданының басшысы Джон Ли.
Белгілі болғандай, қала солтүстігіндегі Тай По ауданында шыққан өрт бамбуктан жасалған құрылыс баспалдақтары арқылы тез таралып, бірнеше биік ғимаратқа жеткен. Әрі қарай от желмен ұшып жатқан сынықтар әсерінен өте жылдам таралған. Ресми өрт шығу себебі әлі анықталған жоқ.
Аталған оқиғаға байланысты, Қазақстан Президенті Қасым-Жомарт Тоқаев Си Цзиньпинге және барша Қытай халқына көңіл айтты.
Қазір оқып жатыр
Маусымдағы жағдай бойынша республикалық бюджет тапшылығы 1,7 трлн теңге болды
Ақтөбе облысында жүзден астам адам уланып қалғаннан кейін қылмыстық іс қозғалды
Перизат Қайраттан тәркіленген тағы бір Mercedes сатылымға шығарылды
Көкшетауда жүргізуші куәлігінсіз адам қағып кеткен әйелдің жазасы кейінге қалдырылды
