Дүние
Гонконг дәрігерлері Қытаймен шекараны жабуды талап етуде
Гонконгтағы медициналық қызметкерлердің кәсіподағы мен аурухана қызметкерлері әкімшілігінің Альянсы дүйсенбі күні ереуілге шықты.
Алматы, NEGE. Кей дерек көзінің хабарлауынша наразылыққа кемінде 2 400 адам шыққан. Дәрігерлер жергілікті билікке бес талап қойған:
- Гонконг аумағына Қытайдан ешкімді кіргізбеу
- Бетперденің мол қорын жасақтау
- Төтеншеге жатпайтын барлық қызметті тоқтатып, науқастарды оқшаулауды қамтамасыз ету
- Оқшаулағыштағы науқастарды қарайтын дәрігерлерге толық қолдау көрсету
- Дәрігерлердің денсаулығы мен қауіпсіздігін қамтамасыз ету мақсатында ауруханадан кетіп қалған науқастарға қатысты тергеу жүргізу.
Дәрігерлердің кәсіподағы бұл талаптар орындалмаған жағдайда, құрамындағы 9 мыңға жуық мүшесін жаппай ереуілге шығуға, жедел жәрдем қызметін де тоқтатуға шақыруда. Олар талаптарын орындауы үшін жергілікті билікке 7-ақпанға дейін уақыт беріп отыр.