Головкиннің бұрынғы бапкері қызметке тағайындалды
Геннадий Головкиннің бұрынғы бапкері, Аскар Құлыбаевқа жасалған қастандық үшін сотталып шыққан Серік Қалиев кәсіби бокс федерациясы президентінің кеңесшісі болып тағайындалды, деп жазады Telegram-дағы Дядя Ваня арнасы.
Астана, NEGE. Қазақстан кәсіби бокс федерациясы президенті Рахымжан Ерденбеков Серік Қалиевті Федерация президентінің стратегиялық мәселелер жөніндегі кеңесшісі қызметіне тағайындаған.
Федерация басшысы бапкердің мол кәсіби тәжірибесі, стратегиялық ойлау қабілеті және спорт жүйесін терең түсінуі «Қазақстанда кәсіби боксты дамытуда маңызды ресурс болатынына» сенім білдірген.
Еске салсақ, 2004 жылғы 12 мамырда Алматының орталығында жарылыс болды. Тергеу дерегінше, аса қауіпті бұл әрекет сол жылдары Қазақстанның әуесқой бокс федерациясының президенті қызметін атқарған Асқар Құлыбаевтың өміріне қастандық жасау мақсатында ұйымдастырылған. Сот процесі барысында қылмысты ұйымдастырушы ретінде ҚӘБФ төрағасының орынбасары Серік Қалиев танылды. Нәтижесінде ол 25 жылға бас бостандығынан айырылды. Ол жазасын Степногорск, Атбасар және Алматы облысындағы түзеу мекемелерінде өтеп, 2025 жылғы тамызда бостандыққа шықты.
Қазір оқып жатыр
Спорт министрлігі: «Асаубаеваның дайындығына 2026 жылы 100 млн теңге бөлінді»
«Ақ үйде досыңыз бар деп айта аламын»: Тоқаев Трамптың арнайы өкілімен кездесті
2025 жылға арналған барлық әлеуметтік міндеттеме орындалды – Мәди Такиев
Шахматшы Бибісара Асаубаева Спорт министрлігіне шағымданып Тоқаевтан көмек сұрады
