Головкин жерлестерін Тәуелсіздік күнімен құттықтады

Алматы, NEGE. Қазақстандық кәсіпқой боксшы, орта салмақтағы IBF және IBO тұжырымдары бойынша әлем чемпионы Геннадий Головкин (40-1-1, 35 КО) отандастарын Тәуелсіздік күнімен құттықтады.

Құттықтауды боксшы Facebook-парақшасында видео ретінде жариялады. Видеода боксшының Қазақстанның Мемлекеттік Туын желбіретіп, шаршы алаңға шыққан сәттері көрсетілген.

Қазақстан Республикасы өз тәуелсіздігін жариялап, дербес мемлекет атанғанына бүгін 29 жыл толып отыр. Қазақстан тәуелсіздік алғалы бері халық ынтымақтасып, жалпыұлттық, ұлтаралық бірлікті нығайтуға, рухани-мәдени жаңғыруға бет бұрды. Қысқа мерзімде Тәуелсіз Республикамыз совет империясынан мұра болып қалған көптеген өткір де өзекті мәселелердің шешімін тауып, саяси, экономикалық және әлеуметтік-мәдени салаларға да реформалар жүргізілді. Бүгін де Қазақстан экономикасы дамыған, бірнеше халықаралық ұйымдардың мүшесі, әлемдік сахнада өзіндік ықпалы бар мемлекетке айналды.