Спорт
Головкин мен Әлімханұлы әлемнің үздік 50 боксшысының қатарына енді
Worldboxingnews.net сайты салмақ дәрежесіне қарамастан (pound-for-pound) әлемнің ең үздік 50 боксшысының тізімін жариялады, деп хабарлады Sports.kz.
Алматы, NEGE. Бұл тізімге Қазақстандық екі боксшы енді.
Рейтинг көшбасшысы украиналық боксшы Александр Усик болды.
Екінші орында жапондық Наоя Иноуэ.
Үшіншісі сатыда - мексикалық Сауль Альварес.
Сондай-ақ үздік ондыққа Эррол Спенс, Дмитрий Бивол, Теренс Кроуфорд, Девин Хэни, Джермелл Чарло, Хуан Франсиско Эстрада және Шакур Стивенсон кірді.
Қазақстандық боксшыларға келсек, World Boxing News рейтингінде Геннадий Головкин 27-ші, Жәнібек Әлімханұлы 48-ші орынға табан тіреді.
Головкин орта салмақта WBA Super, IBF және IBO чемпионы болса, Әлімханұлы осы дивизионда WBO белдігінің иегері.