«Голливуд өртеніп жатыр» – Әлемге танымал жұлдыздардың үйлері жанып кетті
Американың Калифорния штатында екі күннен бері орман өрті өршіп тұр.
Алматы, NEGE. Лос-Анджелес округінің батысында да, шығысында да бірнеше орман өрті тіркелді.
Өрт шарпыған аумақта 1000-нан астам ғимарат өртенді, оның ішінде танымал адамдар мен Голливуд жұлдыздары Энтони Хопкинс, Бен Аффлек, Том Хэнкс, Марк Гамилл, Адам Броди, Спенсер Пратт, Джеймс Вудс, Пэрис Хилтон және Леонардо Ди Каприоның Малибудағы үйлері бар.
«Адам Броуди мен Лейтон Мистердің 6,5 миллион долларлық зәулім үйлері өртеніп кетті. Анна Фаристің де миллиондаған долларлық үйін өрт шарпыды. Энтони Хопкинстің Тынық мұхит палисадтарындағы үйі өрт қалдықтарынан кейін қирандыға айналды», - деп хабарлады Page Six басылымы.
Басылымның мәліметінше, Майлз Теллер, Евгений Леви, Билли Кристал, Джон Гудман және басқа да танымал тұлғалар баспанасынан айырылған. Сонымен бірге танымал Голливуд жұлдыздары эвакуацияланды. Камала Харристің резиденциясы да эвакуация аймағына қосылды. Голливуд жұлдыздары Бен Аффлек, Том Хэнкс және Гвинет Пэлтроу АҚШ вице-президентімен көрші тұрады. Дәл осы аймақта әнші Рианна мен баскетболшы Леброн Джеймстің үйлері орналасқан. Өрт салдарынан әзілкеш Билли Кристал отбасымен бірге 45 жыл бойы тұрған үйінен айырылды.
Ресми мәліметтерге сәйкес, алапат өрттен кем дегенде бес адам қаза тапты. Лос-Анджелес округінің шерифі Роберт Лунаның айтуынша, өрт әлі ауыздықталған жоқ және қаза тапқандар саны артуы мүмкін. Жағдайды қатты жел мен құрғақ ауа райы қиындатып отыр.
Орман өртінен келген шығын 52-57 миллиард долларға бағаланды. Байден бұған дейін Калифорния штатында төтенше жағдай жариялады.
