Спорт
Гимнаст Дмитрий Патанин Challenge Cup кезеңінде алтын медаль жеңіп алды
Қазақстандық гимнаст Дмитрий Патанин Сомбатхейде (Венгрия) өткен Challenge Cup кезеңінің жеңімпазы атанды.
Алматы, NEGE. Қазақстан құрамасының өкілі еркін жаттығуларда үздік нәтиже көрсетті. Финалда Патанин 13.900 ұпай жинады.
Екінші орынды Болгария спортшысы Кевин Пенев (13.600) иеленсе, үшінші орынға Артем Долгопят (Израиль) (13.200) тұрақтады.
Еске салайық, бұған дейін Данил Васильев шаңғымен трамплиннен секіруден FIS кубогы кезеңінде күміс жүлдегер атанған.