GGG неміс промоутерімен жұмыс істеуі мүмкін
Жақында ғана орта салмақтағы WBA уақытша чемпионы Крис Юбенкпен жұмыс істей бастаған неміс промоутері Калле Зауэрланд IBF және IBO титулдарының иегері қазақстандық Геннадий Головкинмен жекпе-жек ұйымдастыруға ниетті.
Алматы, NEGE. Оның айтуынша, Головкинмен жекпе-жек олардың тізімінің басында тұр.
Зауэрланд Головкинмен жекпе-жекті орта салмақта өткізуге болатынын айтады
«Адамдар жас немесе басқа нәрсе туралы айтады. Головкин желтоқсанда кәрі көрінген жоқ. Тіке айтайық – ол соңғы он жыл ішінде орта салмақтағы көшбасшы», – деді ол Boxingnews24.com басылымына берген сұхбатында.
Оның айтуынша, Головкин аңызға айналды.
«Меніңше, бұл жекпе-жек Ұлыбританияда немесе АҚШ-та өтуі мүмкін. Бұл ауқымды кездесу болмақ», – деді Калле Зауэрланд.
