Германиядағы экс-судьяның өлімі: күдікке ілінген күйеуі алғаш рет пікір білдірді
Германияда кісі қолынан қаза тапқан экс-судья Айгүл Сайлыбаеваның күйеуі мен енесінің Мәскеуде тұрып, жұмыс істеп жатқаны мәлім болды. Олар қылмыстық істе күдікті ретінде танылған еді.
Астана, NEGE. Бұл жөнінде Telegram-дағы ресейлік 112 арнасы хабарлады. Арна тілшілері екі күдіктіні Ресейден іздеп, тапқан.
Видеода Александр Донцов делінген ер адам БАҚ-та көп жалған ақпарат тарағанын айтып, «арандатушылыққа ермеуге» шақырады.
«Сіздер өте көп өтірік айттыңыздар. Өте көп жалған ақпарат көрсеттіңіздер. Адамдар, арандатушылыққа ермеңіздер», – дейді ол.
Басылым мәліметінше, 2 ақпанда екеуі Мәскеу Тергеу комитетінде куәлік берген, алайда Наталья Донцова тергеушілермен сөйлесуден бас тартқан.
