Геннадий Головкин бастаған ҰОК делегациясы Лозаннаға келді
Геннадий Головкин бастаған Қазақстан Ұлттық Олимпиадалық комитетінің делегациясы Лозанна (Швейцария) қаласына келді, деп хабарлайды Olympic.kz.
Алматы, NEGE. Аталған жұмыс сапары халықаралық спорттық байланыстарды нығайтып, Қазақстандағы Олимпиадалық қозғалысты бірлесе дамыту жолында маңызды қадам болмақ.
Бүгін, 22 мамыр күні, бас хатшы Жанар Утешева мен Қазақстан ҰОК бас директоры Нұрлан Нөгербектен құралған делегация ХОК-тың штаб-пәтері саналатын Лозаннадағы Олимпиадалық үйге барды.
Қазақстан ҰОК өкілдеріне арнап түрлі Олимпиадалық қозғалыстың заманауи дамуындағы түрлі аспектілер мен ерекшеліктерді қамтыған таныстырылым өтті.
Қазақстан ҰОК делегациясының жұмыс сапары аясында түрлі ХОК департаменттерімен кездесулер ұйымдастырылады.
Айта кетелік, аталған іс-сапардың басты оқиғасы – Геннадий Головкин мен Халықаралық Олимпиада комитетінің президенті Томас Бах арасындағы кездесу болмақ.
Қазір оқып жатыр
Теміржолшылар үшін қолжетімді баспана бағдарламасы басталды
«Жасанды тыныс алу аппараты болмаған»: Қарағандыда бүлдіршіннің өліміне қатысты тексеріс жүргізіледі
Алматының Әл-Фараби даңғылында жарыс ұйымдастырған жүргізушілер жауапқа тартылды
Астанада Умраға жоқ жолдаманы сатып, 17 қажыны алдаған алаяқ сотталды
