Газиантеп қаласында Қазақстаннан барған дәрігерлер медициналық көмек көрсету пунктін ашты
Түркиядағы жер сілкінісінің салдарын жоюға көмек көрсету үшін жіберілген құтқарушылар жасағының құрамында Апаттар медицинасы орталығының мамандары жұмыс істейді.
Алматы, NEGE. Қазақстандық дәрігерлер жиырмаға жуық науқасқа, олардың ішінде екі балаға консультациялық және медициналық көмек көрсетті.
Газиантеп қаласының тұрғындарын тәулік бойы медициналық қабылдау барысында Апаттар медицинасы орталығының дәрігерлері - жиырмаға жуық науқасқа, олардың ішінде екі балаға консультациялық және білікті медициналық көмек көрсетті. Адамдар осы пунктке көбінесе жылынуға, туыстары мен жақындарын құтқарушылар тауып алғанша күтуге келеді, өйткені көпшілігі баспанасыз қалды.
ТЖМ пневмокаркас модульдерін өткен жылы сатып алғанын атап өткен жөн. Бұл далалық медициналық госпиталь ірі зілзалалар мен апаттар туындаған кезде орналастыруға арналған. Мұндай мобильді аурухана толық орналастырылған кезде күніне 200-ге жуық зардап шеккен адамды қабылдай алады.
Өз өмірін қауіп-қатерге тігіп Түркиядағы зілзала орнында ауыр жағдайда қызмет атқарып жатқан құтқарушылардың да денсаулығын сақтау ТЖМ медицина қызметкерлерінің басты міндеттерінің бірі. Дәрігерлердің айтуынша, бүгінгі күні Түркиядағы ТЖМ жеке құрамының денсаулығы жақсы, олар психологиялық тұрғыдан сау.
Қазір оқып жатыр
Kaspi Gold енді Google Pay-да – Қазақстанда және шетелде төлем жасауға болады
Құрылтай жалпыұлттық деңгейдегі ашық диалог алаңы ретінде қызмет етуі тиіс – Президент
ҚХП-ның жаңа төрағасы: Дариға Назарбаевамен ешқандай туыстығым жоқ
Тоқаев: Үкімет инфляцияны төмендетіп, экономиканы жаңа үлгіге көшіруі керек
