Дүние
Газа соғысы: АҚШ Израиль тобына санкция салды
АҚШ мемлекеттік департаменті кеше Палестинаға гуманитарлық көмек жеткізуге кедергі келтірген израильдік топқа санкция енгізді, деп хабарлайды voanews.com.
Алматы, NEGE. Иорданиядан Газаға апаратын жолдарды жауып, бірнеше рет тасымалды бұзуға тырысқан "Цав 9" тобы санкцияға ілікті.
Мемлекеттік департаменттің мәліметінше, топ жүк көліктеріне зақым келтіріп, гуманитарлық жүктерді жолдарға тастаған.
– Гуманитарлық көмек көрсету Газадағы гуманитарлық дағдарыстың нашарлауын болдырмау және аштық қаупін азайту үшін өте маңызды, - деді Мемлекеттік департаменттің өкілі Мэттью Миллер.
"Цав-9" қатысушылары өткен аптада осындай "наразылық акциясын" өткізді. Олар Газа секторының аштыққа ұшыраған тұрғындарына "Эрез" БӨП арқылы көмек жеткізуге тосқауыл қойды. Демонстранттар 7 қазанда ұрланған тұтқындардың барлығы Израильге оралғанға дейін өздерінің заңсыз әрекеттерін жалғастыруға ниетті екенін айтты.
Еске сала кетейік, соғыс кезінде Палестинада 37 мыңнан астам адам қаза тапқан. 24 мамырда БҰҰ Халықаралық соты Рафахтағы әскери қимылдарды дереу тоқтату және геноцид туралы шағымдарды тергеуге кедергісіз қол жетімділікті қамтамасыз ету шешімін шығарды. Кейінірек Израиль әскери кабинетінің министрі Бени Ганц Рафахтағы әскери операцияларды жалғасатынын мәлімдеді.
20 мамырда Халықаралық қылмыстық соттың прокуроры Нетаньяхуды тұтқындауға санкция беруді талап етті.
БҰҰ Бас хатшысы Антонио Гутерриш Израильдің Газа секторындағы операциясы гуманитарлық кошмар болуы мүмкін деп мәлімдеді.