Галина Воскобоева тенниске қайта оралды
Қазақстандық теннисші Галина Воскобоева кәсіби спортқа қайта оралды. Ол 22 шілдеде АҚШ-тың Вашингтон қаласында басталатын WTA 500 санатындағы турнирде өнер көрсетеді.
АЛМАТЫ, NEGE. 40 жастағы спортшы жұптық сында ресейлік Камила Рахимовамен бірге кортқа шығады.
Воскобоева алдағы уақытта АҚШ ашық чемпионатына (US Open) дейін бірнеше халықаралық жарысқа қатысуды жоспарлап отыр.
Айта кетейік, Галина Воскобоева әлемдік рейтингте 2012 жылы жекелей сында 42-орынға, жұптық сында 26-сатыға дейін көтерілген. Ол сол жылы Аустралия ашық чемпионаты мен Ролан Гаррос турнирлерінде жұптық сайыста ширек финалға шыққан болатын.
Қазақстандық теннисші WTA аясындағы соңғы ресми кездесуін 2021 жылы өткізген.
