Ғалымдар коронавирусты бір секундта жойып жіберетін әдісті тапты

Алматы, NEGE. Ғалымдар тұжырымы Phys.org сайтындағы баспасөз хабарламасында жарияланған, деп жазды басылым. Олардың айтуынша, арнайы құрылғыдағы жоғары температура вирусты бір сәтте өлтіруге қабілетті.

Коронавирусқа қарсы жылуды қолдану тиімділігі бұрын да көрсетілген. Бірақ алдыңғы зерттеулерде температура әсері бір минуттан 20 минутқа дейін созылған. Бұл оны қолдану іс жүзінде тиімсіз екенін көрсеткен.

Мамандар тот баспайтын болаттан жасалған түтігі бар жаңа тәжірибе қондырғысын жасаған. 72 градусқа дейін қыздырған кезде, ерітінді құрамындағы коронавирус титрі бір секундқа жетпестен жүз мың есе азайған. Бұл коронавирусты толығымен жою үшін жеткілікті.

Зерттеушілердің айтуынша, бұл әдісті ауа айналымы, желдету және жылыту жүйелерінде қолдануға болады.