Ғалымдар әлемге белгісіз жаңа вирус тапты
Француздың Экс-Марсель университеті мен Бразилияның Минас-Жерайс федералдық университетінің ғалымдары бұған дейін гені ешқашан кездеспеген жаңа вирус тапқан. Зерттеушілер вирустың гені қайдан шыққанын да білмейді.
Алматы, NEGE. Жаңа вирус жалғыз жасушалы қарапайым ағза – амебалардан табылған. Мамандар оны бразилиялық аңыздардағы су ханшасы Яраның құрметіне яравирус (yaravirus) деп атаған.
Бразилияның Белу-Оризонти қаласындағы Пампулья жасанды көлінен табылған жаңа вирустың құрамындағы 74 геннің тек алтауы ғана ғылымға белгілі вирустық гендерге ұқсас болған. Әзірге ғалымдар вирустың қайдан пайда болғанын, оның қандай вирус екенін таба алмай бас қатыруда.
