Ғалым Қабдунасаров Азия чемпионатының жартылай финалына шықты
Бішкекте өтіп жатқан күрес түрлерінен Азия чемпионатында қазақстандық балуан Ғалым Қабдунассаров жартылай финалға шықты, деп хабарлайды Olympic.kz.
Алматы, NEGE. Грек-рим күресінен 60 келі салмақта сынға түсіп жатқан ол ширек финалда әлем чемпионатының қола жүлдегері, Оңтүстік Корея өкілі Ким Сангакты мерзімінен бұрын жеңді. Есеп - 9:0.
Сондай-ақ,турнир барысында қазақстандық балуан үндістандық қарсыласын 9:0 есебімен ұтты.
Қабдунассаровтың кезекті қарсыласы анықталу үстінде.