Ғабит Мүсірепов театрының 76-шы маусымының жабылу салтанаты өтеді
17 шілде күні Ғабит Мүсірепов атындағы қазақ мемлекеттік академиялық балалар мен жасөспірімдер театрының 76-шы маусымының жабылу салтанаты өтеді.
Алматы, NEGE. 76-шы маусымның шымылдығы жақында ғана премьерасы өткен, режиссері Фархад Молдағалидің «Король Лир» қойылымымен жабады. Кезекті жазғы демалыстан театр ұжымы қыркүйек айының 10-нан бастап оралады.
Жабылу салтанатының қадірлі қонақтары: Ербол Нариманұлы, Ғазизхан Шекербеков, Толқын Нұрбекова, Ерден Жақсыбеков, «Steppesons» тобы, Дидар Каден, Мақсат Рахмет.
Маусымның жабылу барысында: «Король Лир» спектаклі туралы түсірілген деректі фильмнің көрсетілімі мен маусымның бір жыл бойғы атқарған жұмыстары мен жетістіктері туралы шолу видеолары көрсетілетін болады.