20 Қыркүйек 10:25
Футзалдан Қазақстан құрамасы Жаңа Зеландиямен ойнайды
Өзбекстанда өтіп жатқан футзалдан 2024 жылғы әлем чемпионатында топтық кезеңнің екінші туры аяқталды.
Алматы, NEGE. Плей-офф кезеңге әр топта үздік атанған 2 құрама тікелей жолдама алады. Қазақстан құрамасы мерзімінен бұрын плей-офф кезеңге шықты.
Қазіргі таңда 1/8 финалға Аргентина, Бразилия, Иран, Испания, Қазақстан, Марокко, Парагвай, Португалия (чемпион), Таиланд, Франция командалары шықты. Қазақстан құрамасы топтық кезеңдегі соңғы ойынын 21 қыркүйекте Жаңа Зеландияға қарсы өткізеді.
Естеріңізге сала кетейік, Өзбекстанда өтіп жатқан футзалдан 2024 жылғы әлем чемпионатының бірінші ойынында Қазақстан құрамасы Испаниямен тең түскен болатын, кейін Ливия құрамасын 4-1 есебімен жеңді.
