Футболшы Дастан Сәтпаевтың жейдесі Будапештте арнайы көрмеге қойылды
Алматылық «Қайрат» клубы мен футболдан Қазақстан құрамасының шабуылшысы Дастан Сәтпаевтың жейдесі Венгрия астанасының орталығында өткен көрмеге қойылды.
Астана, NEGE. Көрме Будапештте өтетін футболдан УЕФА Чемпиондар лигасының финалына орай ұйымдастырылған. Онда еурокубоктарға қатысқан клуб ойыншыларының жейделері қойылған.
Инсталляция қала орталығындағы Батырлар алаңында (Hősök tere) орналасқан.
Бұл жөнінде Қазақстан футбол құрамасы баспасөз қызметінің жетекшісі Әлімжан Асқар мәлімдеді.
Оның айтуынша, көрмеде Давид Луис, Иван Перишич, Кевин Де Брюйне сынды футбол жұлдыздарының жейделерімен қатар Дастан Сәтпаевтың да қолтаңбасы бар жейдесі тұр.
«Біздің жас талантқа деген осындай құрметті көру – үлкен мақтаныш!» – деп жазады Әлімжан Асқар.