Спорт
Футболдан клубтар арасындағы ӘЧ-2023: Мысырлық команда сенсация жасап, жартылай финалға шықты
Мысырлық "әл-Ахли" Джидда қаласында өтіп жатқан футбол клубтары Әлем чемпионатының ширек финалында Сауд Арабиясының "әл-Иттихад" командасын 3:1 есебімен жеңді, деп хабарлайды Zakon.kz.
Алматы, NEGE. Мысырлық команда клубтар чемпионаты тарихында жартылай финалға бірінші рет жолдама алып отыр.
Шиеленісті матчта футболшылар Әли Маалул, Хусейн әл-Шахат және Имам Ашур гол соқты. "Әл-Иттихад" сапында Карим Бензема ерекшеленді.
90-минутта "Әл-Ахли" шабуылшысы Антони Модест қызыл карточка алып қалды.
Жартылай финалда "Әл-Ахли" Бразилияның "Флуминенсесімен" ойнайтын болады.
Айта кетсек, Сауд Арабиясында футболдан 2023 жылғы клубтық Әлем чемпионаты басталды. Турнирді ашушы матчта Карим Бензема бастаған "Әл-Иттихад" командасы Жаңа Зеландияның "Оклендін" 3-0 есебімен жеңген еді.