Футболдан Қазақстан жасөспірімдер құрамасы Әзербайжаннан жеңілді
Қазақстан 17 жасқа дейінгі жасөспірімдер құрамасы жолдастық кездесуде Әзербайжанға есе жіберді, деп хабарлады Қазақстан футбол федерациясы.
Алматы, NEGE. Қазақстандық футболшылардың Габала қаласында Әзербайжан және Грузия құрамаларымен екі жолдастық матч жоспарланған.
Алғашқы ойында олар Әзербайжанға 0:2 есебімен жеңіліп қалды.
Енді олар 8 маусымда 12:00–де Грузиямен ойнайды.
Еліміздің жасөспірімдер құрамасы 28 мамырдан бастап оқу-жаттығу жиынын бастады. Алғашқы оқу-жаттығу жиынын Талғар қаласында өткізді.
Бұл құрамаға аға жаттықтырушы Бауыржан Сағындық жетекшілік етеді.
Сондай-ақ еліміздің 19 жасқа дейінгі жастар құрамасы 31 мамыр мен 10 маусым аралығында Шымкент қаласында оқу-жаттығу жиынын өткізіп жатыр. Жоспарға сәйкес үш жолдастық матч қарастырылған. Алдымен «Оңтүстік Академиясымен» ойнаса, одан кейін бүгін, 7 маусымда «Тұран» футбол клубымен шеберлік байқасады. Ал 10 маусымда «Ордабасы» клубымен кездесу өтеді.
Қазір оқып жатыр
Даниал Ахметов әкім кезінде салынған ГЭС оның ұлына 1,8 млрд теңге әкелді
Атырау мұнай өңдеу зауыты ауаны ластағаны үшін 520 млн теңге айыппұл төледі
Қостанайда масаң күйдегі бірнеше адам полиция қызметкерін тепкіге жықты
«Қолымыз байлаулы»: Саясат Нұрбек Qamalladin University жайлы сұраққа жауап берді
