Футболдан бас бапкер Әли Әлиев қызметінен кетті
Футболдан Ұлттық құрама бас бапкері Бельгиямен өткен ойыннан кейін өз еркімен қызметінен кететінін айтты.
Алматы, NEGE. «Қысқа ғана айтқым келеді. Жеңілісті өз мойныма аламын, бұл – менің кінәм. Футболшылардың еш қатысы жоқ. Елге оралған соң бірден жұмыстан кету жөнінде арыз жазамын», – деді ол ойыннан кейінгі баспасөз мәслихатында.
Қазақстан құрамасы Әлем чемпионатына іріктеу аясында Бельгияға 6:0 есебімен жеңілген болатын.
