Футболдан әлем чемпионаты: Қазақстан Бельгияға есе жіберді
Футболдан Қазақстан құрамасы 2026 жылғы әлем чемпионаты іріктеу кезеңінде 6:0 есебімен ұтылды.
Алматы, NEGE. Кездесу Брюссельдегі «Констант Ванденсток» стадионында өтті.
Бірінші таймда Бельгия сапынан Кевин Де Брюйне мен Жереми Доку Қазақстан қақпасына гол соғып, есепті 2:0-ге жеткізді. Үзілістен кейін Дастан Сәтпаев пен Ислам Чесноков алаңға шыққанымен, қазақстандықтар ойынды түбегейлі өзгерте алмады. Қалған төрт голды Бельгия футболшылары екінші таймда салды.
Қорытынды есеп — 6:0, Бельгия жеңіске жетті.
Бельгия — Қазақстан 6:0 (2:0)
Голдар: Де Брюйне, 42 (1:0). Доку, 44 (2:0). Раскин, 52 (3:0). Доку, 60 (4:0). Де Брюйне, 84 (5:0). Менье, 87 (6:0).
Қазақстан құрамасы келесі кездесуін Лихтенштейнге қарсы өз алаңында өткізеді. Кездесу 10 қазанда Астанада өтеді деп жоспарланған.
