Футбол: «Реал Мадрид» «Челсиді» жеңді
Футболдан UEFA Чемпиондар лигасы 1/4 финалында Испанияның «Реал Мадрид» командасы 6 сәуірде Англияда «Челсиден» басым түсті.
Алматы, NEGE. Кездесу барысында испандық клубтан Карим Бензема хет-триктің авторы атанды. Ол 21, 24, 46-минуттарда мергендік танытты. Оған «Челси» сапынан Кай Хаверц 40-минутта жалғыз голмен жауап қайырды. Осылайша «Реал Мадрид» қарсыласынан 3:1 есебімен басым түсті. Тағы бір кездесуде Испанияның «Вильярреал» клубы өз алаңында Германияның «Бавариясын» 1:0 есебімен тізе бүктірді. Кездесу тағдырын шешкен жалғыз голды Арно Груневелд 8-минутта өзінің еншісіне жазды. Қарымта кездесу 12 сәуір күні өткізіледі. Жарыстың аталған сатысында 5 сәуірде Англияның «Ливерпуль» командасы Португалияда «Бенфиканы» 3:1, Англияның «Манчестер Сити» командасы Испанияның «Атлетико Мадрид» клубын 1:0 есебімен сүріндірді.
