Спорт
Футбол: Қазақстан жастары Шотландиядан ұтылды
Футболдан 21 жасқа дейінгі Қазақстан жастар құрамасы Шотландияға қарсы ойнады.
Алматы, NEGE. Футболдан 21 жасқа дейінгі Қазақстан жастар құрамасы 2023 жылғы Еуропа чемпионаты іріктеу кезеңінде бесінші ойынын Шотландияға қарсы өткізді.
Аталған кездесу Шотландияның Данди қаласында өткізілді. Есепті 28-минутта алаң иелері қатарынан Льюис Фиорини ашты. Одан кейін 56-минутта Гленн Миддлтон есепті үстемелей түсті.
Оған 71-минутта қазақстандық Максим Самородов бір голмен жауап қайырды.
Еске салсақ, бұдан бұрын қазақстандық жастар өз және сырт алаңда Бельгиядан 1:3, 0:2 есебімен есе жіберді .Сондай-ақ, өз алаңында Дания мен Түркияға 0:1 есебімен есе жіберді.
Енді қазақстандық жастар 2022 жылдың 29 наурызында өз алаңында Шотландиямен қарымта ойын өткізсе, 4, 10 маусым күндері Дания мен Түркиямен жасыл алаңға шығады. Қазақстан жастары I топта сынға түседі. Бас бапкері - қазақстандық маман Қайрат Нұрдәулетов. Доп додасының іріктеу кезеңі 2021 жылдың наурыз айынан 2022 жылдың маусымына дейін өтеді.