Француздар мен америкалықтар қытай маскаларына таласуда
Француз шенеуніктерінің сөзіне қарағанда, Францияның АҚШ-қа өкпесі қара қазандай. Себебі, Францияның коронавирустан қатты зардап шегіп жатқан аймақтарына Қытайдан ұшақ арқылы жеткізбек болған маскалары орта жолда қолды болған.
Алматы, NEGE. Маскалар Шанхай әуежайында тиеліп, ұшақ әне-міне дегенше ұшуы тиіс еді. Сонда американдықтар келіп, пәшкі-пәшкі ақшасын көрсетіп, үш есе баға ұсынып, жүкті түсіріп алып қалыпты. Бірақ АҚШ билігі француздар таққан айыпты үзілді-кесілді мойындамай отыр.
