Франциядағы шеру толастамай тұр
Францияда зейнет реформасына қатысты заң 2022 жылдың 1 қаңтарынан күшіне енеді. Бұл заңды 5 желтоқсаннан бері болып жатқан наразылық шараларына қарамастан қабылданбақ.
Алматы, NEGE. AJ+ мәліметінше, шеру салдарынан бірнеше мектеп, темір жолдар және Эйфель мұнарасы жабылған.
11 желтоқсанда француз премьер-министрі Эдуард Филипп үш негізгі принциптен тұратын жаңа зейнет жүйесін таныстырды. Реформа 1975 жылға дейін туғандарға қатысты. Жаңа реформа әсер ететін тұлғалар – 2037 жылға дейін зейнетке шығатын азаматтар.
Сонымен қатар, олардың зейнетақысының 70 пайызы бұрынғы жүйе бойынша есептеледі екен. 2004 жылы туғандар сәйкесінше 2022 жылы 18-ге толады және олар толығымен жаңа зейнет жүйесі бойынша жұмыс істейді.
Франция премьер-министрінің сөзінше, 62 жас яғни, ресми зейнетке шығу жасы өзгермейді. Алайда ол француз билігі жергілікті халықты ұзағырақ жұмыс істеуге шақырды.
