Францияда парламенттік сайлаудың екінші туры аяқталды
Алдын ала болжам бойынша Эммануэль Макронның «Бірге!» атты коалициясы жеңіске жетті.
Алматы, NEGE. Алайда бұдан былай президент төменгі палатаны толық басқара алмайды. Өйткені Ұлттық жиналыстағы біраз орыннан айырылып қалған көрінеді. Саяси доданың екінші турында Макронның коалициясындағы көптеген депутат өз округтерінде қажетті дауыс жинай алмай қалған. Енді президентке өз реформаларын жүргізу қиынға соғайын деп тұр. Сайлауда екінші орынға Жан-Люк Меланшонның солшылдар одағы орналасты. Айта кетейік, халық ұлттық жиналыстың 577 депутатын сайлады. Заң шығарушы органда басымдыққа ие болу үшін партия 289 орынды жеңіп алу керек. Бұған дейін Макрон парламенттің 300-ден астам дауысына ие болған.
