Дүние
Францияда коронавирус шоколадын жасады
Пасха жұмыртқасының орнына коронавирус шоколады. Францияның Ландвизьо қаласында тұратын шоколадшы Жан-Франсуа Пре отандастарының көңіл-күйін көтеру үшін осындай тәттілер дайындауға кіріскен, деп хабарлайды «Хабар 24».
Алматы, NEGE. Жұмыртқа тәрізді тоқаштың үстіне шоколад және кілегей жағылып, одан кейін беті ұсақ жаңқамен себіледі. Пре өз өнімінің адамдарға ұнап жатқанын айтады. Жан-Франсуа Пре: "Біз қазіргідей жағдайда адамдардың көңіл-күйін көтергіміз келді. Сондықтан вирус пішіндес шоколад жұмыртқалар жасауды шештік. Тұрғындарға ұнап жатқан сияқты" дейді.
Алайда, вирус пішіндес жұмыртқа бәріне бірдей ұнап жатыр деп айтуға болмас. Себебі, телефонмен қоңырау шалып, ескерту жасағандар бар. Ал, Жан-Франсуа карантин кезінде әзіл-қалжың артықтық етпейтін айтады.