Францияда бір рет қолданылатын пластикалық ыдысқа тыйым салынған
Бұл туралы Орталық коммуникациялар қызметінде эколог Әлия Күшбаева хабарлады.
Алматы, Nege. «Францияда бір рет қолданылатын пластикалық ыдысқа тыйым салынған. Биыл АҚШ, Канадада, Ұлыбританияда және тағы төрт елде косметикада микропластикті, пластикалық ыдысты қолдануға тыйым салынған. Бұл өте күрделі салдарларға әкелуі мүмкін. Кәдімгі полиэтилен пакеті жанған кезде ауаға 70-ге жуық түрлі қосылулар бөлінеді, олардың көбі адам үшін улы болып келеді. Жану барысында бөлінетін канцерогендер ауада жиналып, онкологиялық аурулар санының өсуіне әкеледі. Мәселен, Қазақстанда 2019 жылдың соңына қарай 180 мың онкологиялық аурумен ауыратын адамдар тіркелді. Сонымен қатар жыл сайын 35 мыңға жуық жаңа жағдайлар тіркеледі. Жыл сайын қатерлі ісік ауырынан 15 мыңға жуық адам көз жұмады», - дейді Әлия Күшбаева.
