Франция маска тағу режиміне көшеді
Францияда коронавирус қайта өршіді. Бұл туралы ел президенті Эммануэль Макрон мәлімдеді.
Алматы, NEGE. Айтуынша, елдің кейбір өңірінде індет қайта тарай бастаған. Сондықтан мемлекет басшысы Франция халқын санитарлық нормаларды орындауға шақырды. Індеттің екінші толқынына елде дәрі-дәрмек, қорғаныш құралдары жеткілікті екен. Сондай-ақ Макрон 1 тамыздан бастап барлық ғимараттарда бетперде киюді міндеттейтінін хабарлады. Бүгінде мұндай ереже қоғамдық көліктерде міндеттелген. Айта кетейік, Францияда 30 мың науқас коронавирустан көз жұмды. Пандемия кезінде 105 мың тұрғын ауруханаға түсіп, оның 79 мыңы құлан таза айығып шықты.
