Франция дағдарыспен күреске 450 млрд еуро бөлді
Франция коронавирус салдарынан тұралап қалған экономикалық секторға қолдау көрсету үшін 450 миллиард еуро бөлді, деп хабарлайды «Хабар 24».
Алматы, NEGE. Бұл мемлекеттің жалпы ішкі өнімінің 20 процентін құрайды. Франция Қаржы министрі Брюно ле Мэр осылай деп мәлімдеді. Оның айтуынша, қолға алынған шаралардың қатарында мемлекеттің кепілдемесімен берілген 315 миллиард еуро көлемінде несие бар. Бірақ қарыз салық емес экономикалық даму арқылы өтелуі қажет дейді Брюно ле Мэр. Еске сала кетейік, Францияда коронавирусқа байланысты карантин 2 айға созылды. Мамырдың 11-інен бастап шектеу шараларын жеңілдету қолға алынып, дүкендер, сән салондары мен шаштараздар ашылды.
