Франция: бір тәулікте 441 адам қайтыс болды
Әлемде «КОВИД-19» дертіне шалдыққандардың қатары 1 млн 200 мыңнан асты. Ал осы кеселден көз жұмғандардың саны 65 мыңға жуықтады.
Алматы, NEGE. Вирус жайлаған Еуропаның Франция елінде коронавирустың жаңа түрінен бір тәуліктің ішінде 441 адам жан тапсырды. Ал науқастардың жалпы саны 89 мыңнан асады. 7 мыңнан астам адам ауыр халде жатыр. Жағдайдың ушығуына байланысты жергілікті билік тұрғындардың карантин тәртібін сақтап, үйлерінен шықпауын талап етіп отыр.
