Фоторепортаж. Халық дайын ба?
Елімізде covid-19 вирусының таралуына байланысты карантин режимі әлі де жалғасуда. Жұрт тәртіпке үйренді ме? Nege.kz тілшісі фотоаппаратын асынып, Алматыны аралап көрді.
Республикалық маңызы бар жиналыстарда шенділердің медициналық маска тағып отырғанын көріп жүрміз. Естеріңізге сала кетейік, денсаулық сақтау министрі А.Цойдың блогерлермен кездесуі де бетпердемен өтті. Бірақ кездесуге қатысқандардың кофені қалай ішкені түсініксіз.
Министр алда болатын пандемияның кезекті толқынына дайын болу керектігін айтты. Жоғарыдағылар дүрлігіп, жаңа толқынға дайындалып жүр, ал халық бұған дайын ба?
