Forbes ең бай қазақстандықтарды атады

Алматы, NEGE. Қазақстандық ең бай Владимир Кимнің байлығы 4,6 миллиард долларға дейін азайды. Қазақмыс Холдингінің акционері мен KAZ Minerals акционері рейтингте 591-орынды иеленді. Өткен жылы оның байлығы 5 миллиард долларға бағаланған.

Қазақстанның тұңғыш президенті Нұрсұлтан Назарбаевтың қызы Динара Құлыбаева мен оның күйеуі Тимур Құлыбаев 636-шы орында тұр. Өткен жылы олардың әрқайсысының құны 3,8 миллиард доллар болса, биыл журналдың мәліметінше, олардың байлығы 4,3 миллиард долларға жеткен.

Kaspi Bank басшысы Вячеслав Ким 3,6 миллиард доллар байлығымен 1513-орыннан 787-ші орынға көтерілді. 2022 жылы оның табысы 2 миллиард долларға бағаланған. 

Freedom Holding брокерлік компаниясын басқаратын Тимур Турлов тізімде 1292-ші орыннан 949-шы орынға көтерілді. Оның байлығы өткен жылы 2,4 миллиард доллар болса, биыл 3,1 миллиард доллар болды. 

Болат Өтемұратовтың табысы 100 миллион долларға азайған. Қазір ол 2,7 миллиард доллар байлығымен рейтингте 1104-ші орында тұр. Өткен жылы кәсіпкер 2,8 миллиард доллармен 1096-шы орыннан көрінген.