Forbes тізіміндегі қазақстандық кәсіпкер Жұманбаевқа қатысты қылмыстық іс тоқтатылды
Қырғызстанның Ұлттық қауіпсіздік мемлекеттік комитеті Forbes тізіміндегі қазақстандық кәсіпкер Владимир Жұманбаевқа қатысты қылмыстық істің тоқтатылғанын хабарлады.
Алматы, NEGE. 19 маусымда кәсіпкер Қырғызстанға келіп, жедел-іздестіру шараларына қатысқан.
«Бұған дейін тағылған айыптар Жұманбаевқа қатысты ұйымдасқан қылмыстық топтың қызметіне қатысы жоқтығына байланысты алынып тасталды. Жұманбаевқа қатысты сотқа дейінгі өндіріс тоқтатылды», - делінген ведомство хабарламасында.
Маусымның 5-і күні көрші елдің Ұлттық қауіпсіздік мемлекеттік комитеті іздеуде жүрген «Қазақмыс Холдинг» ЖШС топ-менеджері мен «Алтын Алмастың» акционері Қаражырға қатысты ақпарат таратқан. Хабарламада оның Қамшыбек Асанбектің (Қамшы Көлбаев) ұйымдасқан қылмыстық тобын қаржыландырды деген күдікке ілінгені айтылған.
Қазақмыс корпорациясы мұны бірден жоққа шығарды.
Forbes.kz-тің 2024 жылғы рейтингі бойынша Владимир Жұманбаев Қазақстандағы ең бай 75 кәсіпкердің тізімінде 25-ші орында тұр. Оның активтері 365 миллион долларға бағаланған.
