FlyArystan ұшағы Шымкентте итті қағып кетті

Астана, NEGE. Бұл жөнінде компанияның баспасөз қызметі хабарлады.

«2026 жылғы 15 сәуірде Алматы – Шымкент бағыты бойынша ұшқан FS7105 рейсі қонғаннан кейін Шымкент әуежайының ұшу-қону жолағында итпен соқтығысты», – делінген хабарламада.

Соқтығыс салдарынан әуе кемесінің кейбір бөлшектері зақымданған.

«Ауыстыруды қажет ететін бөлшектер Алматыдан жеткізіледі», – дейді FlyArystan өкілдері.

Алайда ұшақтың нақты қандай бөлшектері зақымданғаны айтылмаған және әуежай аумағында иттің қайдан жүргені де белгісіз. Қазір оқиғаның мән-жайын анықтау бойынша тексеріс жүргізіліп жатыр. Бұл дерек Шымкент станциясындағы көліктегі полиция басқармасында тіркелген.