FlyArystan бортында жолаушының сөмкесі өртеніп кетті
Бүгін, 2025 жылдың 23 ақпанында, Астана – Ақтау бағытындағы FS 7375 рейсі кезінде әуе кемесінің жоғарғы жүк сөресінде жолаушының сөмкесінен өрт шықты, деп хабарлайды FlyArystan әуе компаниясының баспасөз қызметі.
Алматы, NEGE. «Өртті әуе компаниясының бортсеріктері жедел сөндірді. Бортта 182 жолаушы болды. Әуе кемесі ұшу пунктіне оралып, штаттық режимде қонды. Оқиғаның барлық мән-жайы анықталғаннан кейін қосымша ақпарат беріледі, – делінген хабарламада.
Рейс Астана уақыты бойынша 17:10-ға ауыстырылды.
Барлық жолаушы билеттерін тегін қайта брондай алады немесе ақшасын қайтарып алуға болады.
