5 Қыркүйек 17:01
Филиппин тұрғындары 2024 RW1 астероидының Жерге құлаған сәтіне куә болды
Атмосфераның жоғарғы қабатында бір жарым метрлік астероид жанып кетті.
Алматы, NEGE. Филиппиндегі Кагаян провинциясының тұрғындары тарихи сәтті – 1,5-1,6 метрлік 2024 RW1 астероидының құлауын видеоға түсіріп алған.
Әлеуметтік желіде жарияланған, Кагаян провинциясында түсірілген видеолардан бұлттардың артында жарқыраған жасыл отты шардың пайда болғанын, содан кейін оның атмосферада жанып кеткенін байқауға болады. Табиғат құбылысынан жапа шеккендер жоқ.
Бұған дейін астрономдар Филиппин аумағына аспан денесінің құлайтынын болжап, оның басқаларға қауіп төндірмейтініне сендірген болатын. Ғылыми қоғамдастықтар оның шағын өлшеміне байланысты оны метеороид деп атау дұрысырақ болатынын атап өтті.
