Федерация Алексей Нидің өмір бойына бапкерлік лицензиясынан айырылғанын растады
Қазақстан Ауыр атлетика федерациясы белгілі Алексей Нидің бапкерлік лицензиясынан өмір бойына айырылғанын растады.
Алматы, NEGE. «Иә, бұл шын ақпарат. Бұл – халықаралық шешім. Халықаралық ауыр атлетика федерациясы мен Халықаралық тестілеу агенттігінің шешімі», - деді федерациядағылар.
Қазақстан ауыр атлетика федерациясының ресми сайтындағы мәліметте Алексей Нидің бапкерлік лицензиясы 2015 жылы уақытша тоқтатылғаны, қазір сол лицензиядан өмір бойына айырылғаны айтылған.
Себебі «Халықаралық ауыр атлетика федерациясының допингке қарсы ережелерін бұзғаны үшін» деп көрсетілген.
