Фармкомпания медициналық мекемелерге 100 мың маска алып берді
Алматы қаласының әкімшілігі қаланың медициналық ұйымдарын жеке қорғаныс құралдарымен қамтамасыз ету бағытында жан-жақты шаралар атқаруда.
Алматы, NEGE. Сонымен бірге, кәсіпкерлік субъектілері де бұл істен сырт қалмай, коронавирус пандемиясымен күреске өз үлестерін қосуда. Бүгін «Dolce-Pharm» ЖШС отандық фармацевтикалық өндірістік компаниясы бизнестің әлеуметтік жауапкершілігі аясында 100 мың маска берді. Бұл маскалар шаһардағы 23 медициналық мекеме арасында бөлініп, таратылады.
