Дүние
Еуропарламент: Лукашенко президент емес
Еуропарламент Беларусьте өткен президент сайлауының нәтижесін мойындаудан бас тартты. Саяси партиялар Беларусьте жаңа "еркін" сайлау өткізуге шақырып отыр.
Алматы, NEGE. "Біз Беларусь халқына батылдығы үшін алғыс айтамыз. Олардың демократиялық өзгерістер мен бостандық жолындағы ұмтылысын қолдаймыз. 9 тамызда өткен президент сайлауы еркін, әділ өткен жоқ. Шындыққа жанасатын есеп Светлана Тихановская жеңіске жеткенін көрсетеді. Сондықтан біз Александр Лукашенконы жаңа сайланған Беларусь президенті ретінде мойындамаймыз. Оны Еуропа Одағындағы нон-грата тұлғасы деп санаймыз", - делінген құжатта.
Мәлімдемеге "Еуропалық халық партиясы", "Жаңа Еуропа", "Социалистер мен демократтардың прогрессив альянсы", "Жасылдар" фракциясы қол қойған.