Еуропарламент Brexit келісімін мақұлдады
Еуропалық парламент Ұлыбританияның Еуроодақ құрамынан шығу туралы келісімді бекітті.
Алматы, NEGE.
Құжатты қабылдау үшін 621 депутат дауыс берген, 49 парламент өкілі қарсы болған. Бұған дейін Ұлыбританияның одақтан шығуы туралы құжатқа Еуропа кеңесінің төрағасы Шарль Мишель, Еурокомиссия төрайымы Урсула фон дер Ляйен және Ұлыбритания премьер-министрі Борис Джонсон қол қойған еді.
Сонымен 31-қаңтардан бастап Ұлыбританияның Еуроодақтан шығу үдерісі күшіне енеді. Бұдан кейін өтпелі кезең басталып, бұл аралықта сауда қарым-қатынасын реттеу туралы келіссөздер жүреді.
2016 жылы Ұлыбританияда Еупропалық одақтан шығу туралы (Brexit) референдум өткен. Дауыс бергендердің 51,9% Біріккен Корольдіктің Еуропа одағынан шығуды жақтаған.
