Еуропалық Одақ Қазақстанға коронавируспен күреске 1,6 миллион еуро бөледі
Еуропалық Одақ Қазақстанға COVID-19-бен күреске 1,6 миллион еуро (756,2 миллион теңге) бөледі, деп хабарлайды Сыртқы істер министрлігі.
Алматы, NEGE. Еуропалық Одақ "Орта Азиядадағы COVID-19: Дағдарысқа жауап беру (CACCR)" бағдарламасын жүзеге асырады. Осы орайда ЕО Қазақстан, Қырғызстан және Түркіменстанға 3 миллион еуро бөледі.
Бұл қаржының басым бөлігі - 1,6 миллион еуро (756,2 миллион теңге) Қазақстанға бөлінеді.
Аталған көмек Дүниежүзілік денсаулық сақтау ұйымы арқылы беріледі. Себебі, Еуропалық Одақ бұл ұйыммен келісімшартқа отырған болатын.