Дүние
Еуропа карантин талаптарын жеңілдетіп жатыр
Австрия тұрғындарына соңғы жарты жылда алғаш рет шипажайға баруға рұқсат етілді, деп хабарлайды «Хабар 24».
Алматы, NEGE. Сондай-ақ қонақ үйлер, мейрамханалар, дәмханалар мен спа-салондар жаппай ашылып жатыр. Бірақ сақтық шаралары толық алынған жоқ. Ішке вакциналау туралы анықтамасы, коронавирус тестінің теріс нәтижесі немесе антиденелердің бар екендігіне айғақ құжаты бар адамдарға ғана кіргізілуде. Чехияда бүгін шектеулерді алудың екінші кезеңі басталды. Қонақ үйлер мен жатақханалар ашылып жатыр. Қонақ үйде бір аптадан тұрақтауға әзірге болмайды. Сондай-ақ театрлар мен кинотеатрлар қойылымдарын көру үшін ғимарат ішінде 500, ашық далада 1000 адамға дейін жиналуға болады.
Джири Куца, жергілікті тұрғын:
– Індет өршіп тұрғанда, тауарларды интернет арқылы саттық. Бірақ адамдар өз аяғымен келіп, затты ұстап көретін шынайы дүкеннен артығы жоқ.