Еуропа экономикасы 2022 жылы қалыпқа келеді
Халықаралық валюта қоры Еуропа экономикасының дағдарысқа дейінгі деңгейге қашан жететінін мәлім етті, деп хабарлайды Inbusiness.kz.
Алматы, NEGE. CNBC арнасының пікірінше, еуроаймақ экономикасы 2022 жылы қалыпқа келеді. ХВҚ-ның есебінше, халықтың басым бөлігі жаздан бастап вакцинамен қамтамасыз етілсе, аймақтың ЖІӨ-і биыл 4,5%-ға өседі. Бұған дейін 4,7%-ға артады деп болжаған еді. Еуропаның бірнеше елінде енгізілген шектеу шараларына байланысты ЖІӨ көрсеткіші төмендетілді. Тағы бір жайт, ЕО-дағы инфляция 2021 жылы 1,1%-ға артып, 3,1%-ға дейін көтерілуі мүмкін. Мамандар бұл фактор экономиканың өсуіне септігін тигізеді деген пікірде.
