ЕуроОдақ елдері коронавирусқа қарсы вакцина сатып алуды мақұлдады

ермания, Франция, Италия және Нидерланды коронавирусқа қарсы вакцинаның кемінде 300 млн данасын сатып алу туралы алғашқы келісімшартқа қол қойды. Бұл туралы Германияның денсаулық сақтау министрлігі хабарлады.

Алматы, NEGE.ЕуроОдақ елдерінің құзырлы органдары вакцина ең кемі биылғы жылдың аяғында дайын болады деп топшылауда.

Еуропа Одағы Оксфорд университетінде әзірленген, қазір сынақтан өтіп жатқан  AZD1222 вакцинасын сатып алуды жоспарлауда. Вакцинаны әзірлеумен айналысатын AstraZeneca фармацевтикалық компаниясы вакцина жеткізу туралы Ұлыбритания және АҚШ елдерінің үкіметімен де келісімге келген.

Бұған дейін АҚШ-та сынақтан өтіп жатқан үш вакцинаның біреуінің алғашқы сынақ нәтижесі жарияланған еді. Moderna компаниясының ғалымдары тышқандарға жасалған тәжірибенің алғашқы нәтижесінде жаңа вакцинаның бір мөлшерлемесінің өзі вирустың ауыр дертке айналуын тежейтінін және коронавирустан қорғауға қауқарлы екенін байқағандарын мәлімдеді. Дегенмен мамандар бөрікті аспанға атуға әлі ерте екенін мойындайды. Себебі бұл препараттың адам ағзасына қалай әсер ететіні әзірге белгісіз.