Ет экспорты: Бектенов ауыл шаруашылығы министрлігіне бір апта берді

Астана, NEGE. Жиында Бектенов Президенттің мал шаруашылығы саласындағы жұмыстарды жандандыру туралы тапсырмасын еске салып өтті.

«Осыған орай Ауыл шаруашылығы министрлігіне бір апта ішінде ет өндірісі мен экспортының көлемін арттыру жөніндегі нақты шаралармен бірге, мал шаруашылығын одан әрі дамыту бойынша ұсыныстар енгізу міндеті жүктелді», – делінген Үкімет хабарламасында. 

Сондай-ақ шаруаларға жеңілдетілген несие беру тетігін кеңейту тапсырылды.

«Егіншілерді тікелей субсидиялау орнына жеңілдетілген несие беру тетігі өзінің тиімділігін көрсеткенін айта кеткен жөн. Министрлік "Бәйтерек" холдингімен бірлесіп, осыған ұқсас ауыл шаруашылығын қолдау құралдарының аясын кеңейтуді жалғастыруға тиіс», – деп атап өтті Олжас Бектенов.

Айта кетейік, бұған дейін ірі қара мал етін экспорттауға қойылған шектеу мерзімі ұзартылғанын жазған едік.