Ес-түссіз жатқан күйінде табылды: Мадонна жансақтау бөліміне түсті
Бірнеше минут бұрын шетелдік басылымдар Мадоннаның ес-түссіз жатқан күйінде тапқанын, содан кейін оның шұғыл түрде ауруханаға жеткізілгенін хабарлады.
Алматы, NEGE. «Мадонна ес-түссіз күйде табылып, Нью-Йорк ауруханасына жеткізілді», - деп жазды басылымдар.
Оқиға өткен сенбіде болған, бірақ жұлдыздың жағдайы туралы мәлімет бүгін айтылды. Мадонна қазір бірте-бірте есін жиып келеді. Оның жанында қызы Лурдес бар.
Менеджері Гай Озири Мадоннаның бірнеше күн жансақтау бөлімінде болуына ауыр бактериялық инфекция себепші болғанын хабарлады.
Әнші біраз уақыт дәрігерлердің бақылауында болады. Жұлдыздың командасы оның қалпына келуі үшін бар күш-жігерлерін салатынын мәлімдеді.
