Есірткі жарнамасының иесі табылды
«Қазақстанның ірі қалаларының бірнеше жеріне есрткіні жасырын жарнамалайтын билборд ілуге тапсырыс берген қарағандылық азамат анықталды» деп хабарлайды Алматы қалалық полиция басқармасының баспасөз қызметі.
Алматы, NEGE. Есірткі сатуды жасырын жарнамалайтын билбордқа тапсырыс берген қарағандылық тұрғын жөнінде толық ақпарат анықталып, мәліметтер Қарағанды облыстық полиция қызметіне тапсырылған. Ол Нұр-Сұлтан, Шымкент, Қарағанды және Өскемен қалаларының бірнеше жеріне аталмыш жарнаманы ілдірткен. Алматы қаласының 2 жерінде орнатылған осындай билборд алынып тасталды.
«Наружная реклама – Регионы» ЖШС-нің өкілі 1973 жылғы С. деген азамат әкімшілік жауапқа тартылып, жарнаманы көшелерге ілген компанияға айыппұл салынды. Қазақстан бойынша мұндай жарнамалардың 8 жерде орнатылғаны анықталып отыр.
